Llagrimina de Dios, rapaz parlleru, enriador y espumosu gorgoritu, gotera d'un llagar del infinitu, sorbiquín corredor y bullangueru. Siempre rebizcador y gayasperu, lixeru y brincador más qu´un cabritu que sin mieu al escayu, ni al espitu abaxas dende'l monte hasta'l riberu. ¿Qué música e meyor que to mormullu? ¿Qué cánticu hay igual a to sormiella? Yo, que aborrezo'l mundanal barullu y to so'l corazón dura postiella, solu me queda'l placenteru orgullu d'haber nacíu a to floriada oriella.